Անցած շաբաթ՝ հանգստյան օրերին տեխնիկական անսարքությունը հանգեցրել է ջերմաստիճանի բարձրացման Քլիվլենդ քաղաքում տեղակայված վերարտադռողության կլինիկայում եւ սպառնալիքի տակ դրել ավելի քան 2000 սառեցված ձվաբջջի եւ սաղմի կենսունակությունը։
Կլինիկան կապ է հաստատել 700 հիվանդի հետ, տեղեկացնելով, որ սառեցված ձվաբջիջները եւ սաղմերը, հնարավոր է, կենսունակ չլինեն:
Հայտնի է, որ ձվաբջիջները պահպանվում են կրիոգեն սարքում, հեղուկ ազոտով լցված ռեզերվուրաներում։ Պահեստները գտնվում են տեսահսկողության ներքո եւ դրանց վրա ազդանշանային համակարգ է տեղադրված: Հիվանդանոցում հայտարարել են, որ դեռեւս չգիտեն՝ ինչն է համակարգի խափանման պատճառ դարձել, իրականացվում է հետաքննություն։
ԶԼՄ-ները հայտնել են, որ կլինիկայի կորուստները կարող են հսկայական լինել՝ մեկ կնոջ ձվաբջջի սառեցումը արժենում է մոտ 10.000 դոլար: Բացի այդ, հիվանդները վճարում են ձվաաբջջի պահման համար:
Ընդ որում, ձվաբջիջների եւ սաղմերի կենսունակությունը պարզելու միակ միջոցը դրանց հալեցումն ու փոխպատվաստումն է, հաղորդել են կլինիկայում։
Հետևեք NEWS.am Medicine-ին Facebook-ում և Twitter-ում